ترک بحریہ کی جنگی بحری جہاز کنالیاڈا کی کراچی آمد کے موقع پر پاک بحریہ نے روایتی انداز میں استقبال کیا۔

کراچی : آئی ایس پی آر کی ویب سائٹ پر جاری ایک پریس ریلیز کے مطابق ترکیہ کے جہاز کو پاکستانی سمندری حدود میں آمد پر پاک بحریہ نے روایتی انداز میں خوش آمدید کہا۔ کراچی بندرگاہ پہنچنے پر پاک بحریہ اور ترک سفارت خانے کے افسران نے جہاز کا پرتپاک استقبال کیا۔ کراچی میں قیام کے دوران جہاز کے کمانڈنگ آفیسر، پاک بحریہ کے فیلڈ کمانڈرز اور دیگر اعلی حکام سے ملاقاتیں کریں گے۔ ملاقاتوں کے دوران دونوں ممالک کی بحریہ کے مابین باہمی دلچسپی کے پیشہ ورآنہ امور پر تبادلہ خیال کیا جائے گا۔ مذید یہ کہ ترکیہ کا وفد مزار قائد پر حاضری بھی دے گا۔ ترک بحریہ کے جہاز کا یہ دورہ دونوں برادر ممالک کی بحریہ کے مابین مضبوط اور درینہ تعلقات کا عکاس ہے۔