تھانہ گلبہار پولیس کی کامیاب کاروائی، پولیس مقابلہ میں بدنام زمانہ راہزن زخمی حالت میں گرفتار
گرفتار ملزم سے اسلحہ اور چھینی گئی دیگر اشیاء جن میں موبائل فون، بٹوا، اے ٹی ایم کارڈز وغیرہ برآمد
پشاور : ایس پی فقیر آباد ڈویژن اسامہ امین چیمہ پشاور پولیس کے دفتر کے ترجمان کے مطابق ایس ایچ او تھانہ گلبہار نعمان خان دیگر پولیس اہلکاروں کے ہمراہ گلبہار نمبر 4 مدرسہ روڈ ناکہ بندی پر موجود تھے کہ اس دوران مشکوک موٹر سائیکل سواروں کو رکنے کا اشارہ کیا۔ لیکن موٹر سائیکل سواروں نے پولیس پارٹی کو دیکھتے ہی با ارادہ قتل ان پر فائرنگ کردی، خوش قسمتی سے پولیس اہلکار محفوظ رہے، تعاقب کرنے پر کراس فائرنگ کے دوران ایک ملزم زخمی حالت میں گرفتار ہوگیا۔ گرفتار ملزم کی شناخت جواد عرف جوادے ولد شاد علی سکنہ چونہ بھٹی سے ہوئی۔ ابتدائی تفتیش کے مطابق ملزم درج ذیل جرائم میں لوث ہے۔ علت281 مورخہ 7 اپریل 2023 جرم 411-392 تھانہ پھندو۔ علت 289 مورخہ 3 مئی 2023 جرم 411-382 تھانہ پھندو۔ علت 265 مورخہ 27 مارچ 2024 جرم 34-15AA-353-324-392تھانہ شاہ قبول علت 630 مورخہ 26.6.2024 جرم 392 تھانہ گلبہار۔ جس کا مزید ریکارڈ بھی چیک کیا جارہا ہے گرفتار شخص سے چھینا گیا موبائل فون ، پرس ، اے ٹی ایم کارڈ ،دیگر سامان اور اسلحہ بھی برآمد جبکہ ملزم نے فرار شدہ ملزم کا نام بھی اگل دیا، جس کی گرفتاری کی کوشش جاری ہے۔
