لاہور : پنجاب یونیورسٹی ڈیپارٹمنٹ آٓف کمیونیکیشن اینڈ میڈیا ریسرچ کے زیر اہتمام آٹھویں سمسٹر کے طلباؤطالبات کی موبائل فوٹوگرافی کی نمائش کا انعقاد کیا گیا۔ اس موقع پر وائس چانسلر پروفیسر ڈاکٹر خالد محمود، ڈائریکٹر سکول برائے علوم ابلاغیات پروفیسر ڈاکٹر نوشینہ سلیم، پروفیسر ڈاکٹر عابدہ اشرف، پروفیسر ڈاکٹر لبنیٰ ظہیر،پروفیسر ڈاکٹر حنان،فیکلٹی ممبران و دیگر نے شرکت کی۔ وائس چانسلر پروفیسر ڈاکٹر خالد محمود نے ڈاکٹر رضوان کی زیر نگرانی طلباء کی موبائل تصاویر پر مبنی نمائش کو سراہتے ہوئے کہا کہ کم وسائل کے باجودپنجاب یونیورسٹی کے طلباء ہر میدان میں اپنی صلاحیتوں کے جوہر دکھا رہے ہیں۔ انہوں نے طلباء کی حوصلہ افزائی کے لئے پلیٹ فارم مہیا کرنے پر ڈاکٹر نوشینہ کی تعریف کی۔
