ڈی جی پی این سی اے ایم ایوب جمالی نے ریڈیو پاکستان کا دورہ اور ماہ نور قریشی کو پوڈ کاسٹ انٹرویو بھی دیا

اسلام آباد : ڈی جی پی این سی اے مسٹر ایم ایوب جمالی نے ڈائریکٹر پی آر آر پی این سی اے ڈاکٹر بلال کریم کے ہمراہ ریڈیو پاکستان ہیڈکوارٹر کا دورہ کیا۔ اس موقع پر ڈی جی پی این سی اے جناب ایم ایوب جمالی نے ریڈیو اور ٹیلی ویژن کی معروف میزبان اور اینکر پرسن ماہ نور قریشی کو پوڈ کاسٹ انٹرویو بھی دیا، نیوز چینل، ایف ایم 101، ایف ایم 87.6 اسٹیشن سمیت نئے ریڈیو چینلز کا دورہ کیا اور پاکستان ریڈیو کے حکام کے ساتھ ریفریشمنٹ کی۔ ریڈیو پاکستان (PBC) کنٹرولر نیوز اینڈ کرنٹ افیئرز جناب غلام مجتبیٰ میمن، سوشل میڈیا ونگ کے سربراہ طاہر محمود، پریزنٹیشن انچارج (NCAC) جناب اسد اللہ خان، سوشل میڈیا انفلوئنسر کے سربراہ جناب عزنے علی، ریڈیو پاکستان اسلام آباد ہیڈ کوارٹر اس موقع پر موجود تھے۔