ڈیجیٹل دنیا میں پنجاب یونیورسٹی نے ایک اور سنگ میل عبور کرلیا، اورک ویب سائٹ کا افتتاح

لاہور : پنجاب یونیورسٹی آفس آف ریسرچ انوویشن اینڈ کمرشلائزیشن (اورک) نے اپنی ویب سائٹ لانچ کر دی۔ اس سلسلے میں افتتاحی تقریب کا انعقاد وائس چانسلر پنجاب یونیورسٹی آفس میں ہوا۔ اس موقع پروائس چانسلر پنجاب یونیورسٹی پروفیسر ڈاکٹر خالد محمود، ڈائریکٹر اورک ڈاکٹر شکیل احمد، ڈی جی آئی ٹی پروفیسر ڈاکٹر کامران عابد، ڈپٹی ڈائریکٹر اورک ڈاکٹر عقیل انعام، ڈپٹی ڈائریکٹر اورک ڈاکٹر خالد محمود، ڈپٹی ڈائریکٹر اورک ڈاکٹر عرفان، ڈائریکٹر آئی ٹی عمران قریشی، ڈپٹی ڈائریکٹر آئی ٹی مجتبیٰ گوندل و دیگرنے شرکت کی۔ اپنے خطاب میں ڈاکٹر خالد نے ویب سائٹ کی اہمیت پر روشنی ڈالی اور ایک جامع ویب سائٹ ڈیزائن کرنے پر اورک اور آئی ٹی عملے کی کاوشوں کو سراہا۔