درخت اْگائیں، جشن آزادی کی مناسبت سے سماجی رہنما محمد رمضان چھیپا کی اہل وطن سے اپیل

کراچی (بزنس کیفے) : یوم آزادی پر سربراہ چھیپا فاؤنڈیشن نے پودا لگا کر پاکستان کو سرسبزوشاداب بنا نے کیلئے شجرکاری مہم کا باقاعدہ آغاز کر دیا۔ اس موقع پر انہوں نے کہا کہ میں نے جشن آزادی کی مناسبت سے اپنے حصے کا پودا لگا دیا، اب آپ کی باری ہے۔ سبز ہلالی پرچموں اور جھنڈیوں کے ساتھ سرسبزوشاداب درختوں کی بہار سے آزادی کا جشن دوبالا ہو جاتا ہے، لہٰذا آزادی کا جشن سبزہلالی پرچموں کے ساتھ سرسبز پودے لگا کر منائیں اور آنے والی نسلوں کو صحت مند ماحول میں پروان چڑھائیں۔ رمضان چھیپا نے اہل وطن سے درخواست کی کہ گرین پاکستان کے خواب کو حقیقت کا روپ دے کر ایک ذمے دار پاکستانی شہری ہونے کا فرض نبھائیں۔