ہاکی
پاکستان ہاکی فیڈریشن نے67ویں قومی ہاکی چیمپین اے ڈبلیو ٹی کے اشتراک سے اکتوبر میں منعقد کرنے کا اعلان کردیا
لاھور : قومی سینیئر ہاکی چیمپین شپ 12 اکتوبر تا 23 اکتوبر لیفٹنٹ جنرل اشفاق ندیم ہاکی اسٹیڈیم ایوب پارک راولپنڈی میں منعقد ہوگی۔ آرمی ویلفیئر ٹرسٹ کے اشتراک سے پی ایچ ایف کے زیراہتمام قومی ہاکی چیمپین شپ میں پی ایچ ایف کے تمام ملحقہ صوبائی یونٹس اور ڈیپارٹمنٹل ٹیمیں شرکت کرینگی۔ سیکرٹری جنرل پی ایچ ایف حیدر حسین کے جاری کردہ اعلامیہ کے مطابق ایونٹ میں شرکت کے خواہاں تمام ملحقہ صوبائی و ڈیپارٹمنٹل یونٹس کو 18 ستمبر سے قبل ایونٹ میں اپنی شرکت کنفرم کرنے کی ہدایات جاری کی گئی ہیں۔ قومی ہاکی چیمپین شپ میں باصلاحیت کھلاڑیوں کو اپنی صلاحیتوں کے بھرپور اظہار کا موقع ملے گا۔ ۔قومی ہاکی سلیکشن کمیٹی دوران ایونٹ باصلاحیت کھلاڑیوں کی کارکردگی کا جائزہ لے گی اور اپنی سفارشات مرتب کرے گی۔
