نیشنل پریس کلب میں انٹرنیشنل باکسنگ ڈے کے حوالے سے تقریب کا انعقاد

اسلام آباد : (ماجد کریم چوہان) نیشنل پریس کلب اسلام آباد میں انٹرنیشنل باکسنگ ڈے کے حوالے سے ایک شاندار تقریب کا انعقاد کیا گیا۔ اس تقریب میں اسلام آباد کی سطح پر نوجوان میل و فی میل باکسرز کو مدعو کیا گیا۔ اس تقریب میں نوجوان باکسرز کے علاوہ ان کے کوچز نے بھی شرکت کی۔ اس تقریب کی میزبانی کے فرائض نیشنل پریس کلب اسلام آباد کے انتہائی معروف سینیئر جرنلسٹ اور پریس کلب کی ایگزیکٹیو باڈی کی ممبر عامر رفیق بٹ نے ادا کئے۔ نوجوان باکسرز سے گفتگو کرتے ہوئے عامر رفیق بٹ نے کہا کہ نوجوان اس ملک کا اثاثہ ہیں۔ کھیل نوجوانوں میں صحت مند تفریح اور مقابلہ کا رحجان پیدا کرتا ہے اس طرح نوجوانوں میں آگے بڑھنے اور ملک کا نام روشن کرنے والوں کی فہرست میں شامل ہونے کا شوق اور جذبہ پیدا ہوتا ہے۔ اسی صحت مند سرگرمیاں نوجوانوں کو منفی رحجانات اور شدت پسندی سے باز رکھتی ہیں۔